Markel Olano Arrese

Joan den igandean mendi itzuli ederra egin genuen Enirio-Aralar Mankomunitatearen 600. urteurreneko ospakizunen barnean antolaturikoa.

Autobusez Lizarrustiraino joan eta handik atera ginen Igaratza bidean. Igaratzan hamaiketakoa egin (200 bat lagun izango ginen) eta Minetatik Amezketaraino jaitsi ginen.

Amezketan giro ezin hobean bazkaldu eta denok autobusetan etxera.

Antolatzaileen buru den Josemi Santamaria, Mankomunitateko lehendakari eta Ordiziako alkate denari zorionak eman nahi dizkiot, egun borobila izan zelako. Amezketako Jesus Iñurrita alkateari ere zorionak, bazkaria kategorikoa izan zelako.

Gainera, bizitzan batzutan gertatzen den bezala, ustekabean giro ona sortzen da eta horrek dobleko balioa du. Eguraldia, ibilbidea, jendea… dena elkartu zen egun zoragarri bat osatzeko.

Dagoeneko jakingo duzue argazkizalea naizela, eta GureGipuzkoa.net web orrira igo ditut egun horretan ateratakoak.

http://www.guregipuzkoa.net/search/search.php?id_usuarios=144